Viferon məlhəm – KRVİ profilaktika və müalicəsində yeni preparat

Dərman vasitəsinin istifadəsi üzrə təlimat (xəstələr üçün)

VİFERON xaricə və yerli istifadə üçün məlhəm

VIFERON

Beynəlxalq patentləşdirilməmiş adı: İnterferon alfa-2b

Tərkibi

Təsiredici maddə: 1 q məlhəmin tərkibində 40000 TV insanın rekombinat alfa-2b

interferonu vardır.

Köməkçi maddələr: alfa-tokoferol asetat, susuz lanolin, tibbi vazelin, şaftalı yağı, kalsium pantotenat, natrium benzoat, insan albumini, natrium asetat trihidrat, natrium xlorid, dinatrium edetat dihidrat, təmizlənmiş su.

Təsviri

Xarakterik lanolin qoxulu, ağımtl sarı rəngdən sarı rəngə qədər olan məlhəmdir.

Farmakoterapevtik qrupu

Sitokin.

ATC kodu: L03AB05.

Farmakoloji xüsusiyyətləri

VİFERON^® preparatı immunomoduləedici və virusəleyhinə vasitədir. İnsan rekombinat alfa-2b interferonu virusəleyhinə, antiproliferativ və immunomodulədici xüsusiyyətə malikdir.

Preparatın tərkibinə daxil olan köməkçi maddələrin iştirakı ilə insanın rekombinat alfa-2b interferonun spesifik virusəleyhinə aktivliyi artır, onun immunomoduləedici təsiri güclənir (zədələnmə ocağında neytrofillərin faqositar funksiyasının stimulyasiyası).

Xaricə və yerli istifadə zamanı interferonun sistem absorbsiyası kiçikdir.

İstifadəsinə göstərişlər

1 yaşdan yuxarı uşaqlarda qrip və digər KRVİ-nin müalicəsində kompleks terapiyanın tərkibində.

Əks göstərişlər

Preparatın istənilən komponentinə qarşı yüksək həssaslıq.

1 yaşa qədər uşaqlar.

Digər dərman vasitələri ilə qarşılıqlı təsiri

Digər dərman vasitələri ilə qarşılıqlı təsiri aşkar edilməyib.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi öyrənilməyib.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müəyyən edilməyib.

İstifadə qaydası və dozası

Məlhəmi istifadə etmək üçün applikator kimi pambıq tampondan istifadə olunur.

Qripin və digər KRVİ-nin müalicəsi zamanı preparat nazik təbəqə ilə burun yollarının selikli qişasına çəkilir:

1-2 yaşlı uşaqlarda 2500 TV (diametri 0,5 sm çox olmayan 1 zolaq) sutkada 3 dəfə;

2-12 yaşlı uşaqlarda 2500 TV (diametri 0,5 sm çox olmayan 1 zolaq) sutkada 4 dəfə;

12-18 yaşlı uşaqlarda 5000 TV (diametri 1 sm çox olmayan 1 zolaq) sutkada 4 dəfə istifadə edilir.Məlhəmi istifadə etdikdən sonra məlhəmin burunun selikli qişasında bərabər paylanması üçün burun səthini massaj etmək lazımdır.

Müalicə müddəti 5 gün təşkil edir.

Ağzı açılmış tubu soyuducuda 3 aydan çox olmayaraq saxlamaq olar.

Əlavə təsirləri

Əksər hallarda VİFERON^® xaricə və yerli istifadəsi zamanı məlhəmin keçiriciliyi yaxşıdır. Burunun selikli qişasına çəkilən zaman baş verən əlavə təsirlər (rinoreya, asqırma, burunun selikli qişasının yanması) zəif və keçici xarakter daşıyır və preparatın istifadəsi dayandı-rıldıqdan sonra sərbəst şəkildə keçib gedir.

Doza həddinin aşılması

Müəyyən edilməmişdir.

Buraxılış forması

40000 TV xaricə və yerli istifadə üçün 12 q məlhəm, alüminium tubda. 1 tub içlik vərəqə ilə birlikə karton qutuya qablaşdırılır.

Saxlanma şəraiti

2-8ºС temperaturda və uşaqların əli çatmayan yerdə saxlamaq lazımdır.

Yararlılıq müddəti

2 il.

Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı/İradları qəbul edən təşkilat